It-tifla ta' 12-il sena ġiet iċċertifikata li qed issofri minn ġrieħi ta’ natura gravi filwaqt li t-tifel sofra ġrieħi ħfief.
Tifla ta’ tnax-il sena u tifel ta’ tliet snin ittieħdu l-isptar Mater Dei għall-kura wara li tlaqtu minn karozza fil-Fgura.
L-inċident tat-traffiku seħħ għall-ħabta tad-08.45 ta’ dalgħodu fi Vjal il-Kottoner, Fgura.
Jidher li t-tifla ta’ tnax-il sena u tifel ta’ tliet snin ntlaqtu karozza tat-tip Renault Megane, misjuqa minn mara ta’ 46 sena, residenti l-Fgura.
It-tfal ittieħdu l-Isptar Mater Dei bl-ambulanza sabiex jingħataw l-kura meħtieġa. Aktar tard it-tifla ta’ 12-il sena ġiet iċċertifikata li qed issofri minn ġrieħi ta’ natura gravi filwaqt li t-tifel sofra ġrieħi ħfief.
L-investigazzjonijiet tal-Pulizija mill-Għassa tal-Fgura għadhom għaddejjin.
Aktar dettalji fil-ħin li ġej.
