Joseph Muscat qed jibża’ li jitlef il-poter wara erba’ snin biss fil-poter.
Wara li kienet iċċirkolata aħbar dwar recording minn persuna li allegatament huwa kuġin ta’ Simon Busuttil, il-Kap tal-PN, fi stqarrija, qal li huwa ma jaf lil ħadd bl-isem ta’ William Robert Busuttil. Simon Busuttil ikompli jgħid li huwa ma rċieva l-ebda proprjetà b’wirt jew xi dokumenti marbuta ma’ dan l-allegat wirt.
Simon Busuttil qal li il-filmat iċċirkolat minn channels tal-Partit Laburista fuq Facebook huwa gidba wahda mill-bidu sal-aħħar. Il-Kap tal-PN isejjaħ dan il-filmat bħala att iddisprat minn Joseph Muscat li qed jegħreq fil-korruzzjoni u li issa qed jibża’ li jitlef il-poter wara erba’ snin biss fil-poter.
