It-tim nazzjonali Malti tal-basketball tan-nisa mmexxi minn Angela Adamoli rebaħ il-midalja tad-Deheb waqt il-Logħob tal-Pajjiżi ż-Żgħar li bħalissa qed isiru f’San Marino.
Malta rebħet il-partita deċiżiva kontra l-Lussemburgu 52-50 b’rimonta mill-aqwa fl-aħħar sessjoni. It-tfajliet Maltin spiċċaw l-ewwel fil-grupp bi tliet rebħiet minn daqstant partiti.
Din hi t-tieni midalja tad-deheb għal Malta f’dan il-Logħob wara s-suċċess ta’ Charlotte Wingfield fl-atletika.
