Simon Busuttil stqarr li l-Partrit Nazzjonalista jrid jibda proċess intern u jkun Oppożizzjoni b’saħħitha.
Fl-ewwel messaġġ tiegħu lil poplu Malti wara li aktar kmieni ikkonċeda t-telfa elettorali tal-Partit Nazzjonalista fl-elezzjoni ġenerali tas-Sibt, il-Kap tal-Partit Simon Busuttil qal li inxtegħlet fjamma li rridu nżommuha mixgħula.
Simon Busuttil kien qed jitkellem waqt programm speċjali dwar l-Elezzjoni Ġenerali fuq NET Television.
Hu qal li l-Partit Nazzjonalista jbaxxri rasu u jirrispetta l-verdett tal-poplu. Kompla, li issa l-Partrit Nazzjonalista jrid jibda proċess intern u jkun Oppożizzjoni b’saħħitha.
Il-Kap tal-Partit Nazzjonalista rringrazzja lil dawk li taw il-fiduċja tagħhom lill-Partit, lill-ħaddiema, lil voluntieri. Simon Busuttil irringrazzja wkoll lil dawk li huma l-iktar vicin tiegħu.
