Iċ-champion Olimpiku Usain Bolt rebaħ l-aħħar tellieqa tiegħu fil-Ġamajka hekk kif bħalissa qed iħejji biex jieħu sehem fl-aħħar kompetizzjoni fil-karriera tiegħu qabel jirtira meta f’Awwissu li ġej jikkompeti fil-Kampjonati Mondjali li se jsiru f’Londra.
Quddiem 30 elf spettatur fil-belt ta’ Kingston fil-Ġamajka Bolt rebaħ f’ħin ta’ 10.03’ biex ta l-isbaħ tislima li seta’ jagħti lin-nies ta’ pajjiżu.
Bolt, li f’Awwissu li ġej jagħlaq 31 sena se jirtira wara karriera glorjuża li fiha rebaħ tmien midalji tad-deheb fi tliet edizzjonijiet tal-Olimpjadi.
