Tifel ta’ erba snin li kien f’kundizzjoniu kritika wara li lbieraħ sab ruħu f’diffikultajiet waqt li kien qed jgħum fi swimming pool fil-Mellieħa, illum qaleb għall-aħjar u m’għadux f’qagħda kritika.
Il-Każ seħħ għall-ħabta tas-sagħtejn u kwart ta’ waranofsinhar meta l-Pulizija ġiet infurmata li kien hemm persuna li sabet ruħha f’diffikulta’ waqt li kienet qed tgħum f’pool f’ residenza fi Triq Etna, il-Mellieħa.
