Wara d-draw kontra l-Messiku fl-ewwel partita tal-ftuħ, il-Portugall kisbu l-ewwel rebħa tagħhom fi Grupp A wara li għelbu lir-Russja 1-0. Il-gowl li ddeċieda l-konfront ġie skorjat minn Cristiano Ronaldo wara tmien minuti meta għeleb lil Akinfeev b’daqqa ta’ ras wara li kien żmarkat.
Fil-bidu tat-tieni taqsima, il-Portugall kellhom żewġ okkażjonijiet permezz ta’ Adrien Silva u Cedric, iżda Akinfeev salva fiż-żewġ okkażjonijiet. Bil-Portugiżi ma jagħlqux il-logħba, ir-Russi bdew jagħfsu għad-draw u fil-ħin miżjud kienu perikolużi b’daqqa ta’ ras Dzhikiya li għaddiet fuq il-lasta, filwaqt li ftit wara xutt ta’ Smolov minn barra l-kaxxa għadda ftit barra.
Il-Portugall jinsabu momentarjament l-ewwel fil-grupp b’4 punti.
