Tkompli l-ħidma bla rażan fil-Portugall kontra n-nirien kbar li hemm fiċ-ċentru tal-pajjiż. Nirien li s’issa swew il-ħajja ta’ aktar minn 60 persuna u l-feriment ta’ 150 persuna oħra.
Biex jiggieldu n-nirien, bhalissa hemm impenjati aktar minn 1,000 Pulizija tat-tifi tan-nar. Sadattant hemm rapporti konfliġenti x’ġara minn ajruplan li jintuża fit-tifi tan-nar. Uffiċjali Portugiżi qed isostnu li dan iġarraf filwaqt li oħrajn qed isostnu li m’hemm l-ebda ajruplan nieqes.
B’kollox hemm 30 minn dawn l-ajruplani impenjati kontra n-nirien fil-Portugall.
Ajruplani ġejjin fost l-oħrajn mill-Italja, Spanja, il-Marokk u Franza.
