Żewġt irġiel ġew arrestati f’Paceville fil-lejl ta’ bejn il-Ġimgħa u s-Sibt minħabba pussess ta’ droga.
L-arrest, ta’ żewġ irġiel mis-Somalja li għandhom 21 u 29 sena rispettivament, sar minn Pulizija mill-Iskwadra ta’ Kontra d-Drogi.
Huma nstabu fil-pussess ta’ pjanta tal-kannabis u ta’ droga oħra aktarx kokaina. Is-sejba saret f’ċirkustanzi li juru li din id-droga ma kinitx għall-użu esklussiv tagħhom.
