Saviour Debono Grech se jkun qed imexxi lit-tim tat-tieni diviżjoni Siġġiewi għal staġun ieħor wara li bi qbil mal-kumitat ta’ Siġġiewi, il-kowċ ġedded il-kuntratt. Debono Grech ilu ma’ Siġġiewi f’dan l-aħħar staġun u nofs u se jkun ukoll Head Coach fin-nursery ta’ Siġġiewi.
Debono Grech fil-passat kien assistent kowċ ta’ Sliema, Hibs u Mosta fil-kampjonat Premier. Siġġiewi kellhom staġun sodisfaċenti l-istaġun li għadda, fejn spiċċaw fis-seba’ post fit-tieni diviżjoni b’35 punt.
