Mara ta’ 57 sena minn New Zealand mietet meta ttajret minn blast minn magna b’saħħitha ta’ ajruplan kummerċjali tat-tip Boeing 737 fl-Ajruport Internazzjonali Princess Juliana fil-gżira Olandiża ta’ Sint Marteen fil-Karibew.
Il-Pulizija fi stqarrija qalet li l-mara nstabtet lura mal-konkrit bil-blast waqt li kienet qed iżomm maċ-ċint tal-periferija tal-ajruport, 50 metru ’l-bogħod mill-bajja ta’ Maho, u kawża t’hekk sofriet ġrieħi fatali f’rasha. Din il-bajja hija popolari mat-turisti madwar id-dinja għall-periklu li hemm peress li l-ajruplani jittajru fil-baxx fuq ir-ramel sabiex jinżlu fl-ajruport
Minkejja t-tabelli prominenti ta’ twissija kontra l-blast perikoluż li joħloq l-ajrpulan fl-inżul, wieħed jista’ jara għadd ta’ filmati ta’ nies jżommu maċ-ċint sabiex jevitaw li jittajru jew saħansitra jinqatgħu mill-art.
L-istqarrija tal-Pulizija ta’ Sint Marteen temmet billi ħeġġet lin-nies ma jingaġġawx f’din il-prattika perikoluża ħafna.
