Juventus akkwistaw lill-gowlkiper ta’ Arsenal Szczesny għas-somma ta’ 12.2 miljun ewro.
Il-gowlkiper Pollakk iffirma kuntratt ta’ erba’ snin maċ-champions Taljani u dan mistenni jieħu l-post vakant li ħalla l-gowlkiper ta’ riserva Neto li ħalla lit-tim ftit tal-ġimgħat ilu biex ingħaqad ma’ Valencia.
Szczesny issa se jkun ir-riserva tal-gowlkiper Gigi Buffon li hu mistenni jilgħab l-aħħar staġun tiegħu qabel ma jirtira wara t-Tazza tad-Dinja tal-2018.
Szczesny mhux se jkun ġdid għas-Serie A minħabba li f’dawn l-aħħar żewġ staġuni dan kien misluf lil Roma.
