Mattia De Sciglio ffirma kuntratt maċ-champions Taljani Juventus li minn naħa tagħhom ħallsu s-somma ta’ 12-il miljun ewro għalih.
Id-difensur Taljan iffirma kuntratt ta’ ħames snin u hu mistenni jieħu post Dani Alves li ħalla lill-Bianconeri u ngħaqad ma’ PSG.
L-akkwist ta’ Mattia De Sciglio jasal jum wara li Juventus akkwistaw anke lill-gowlkiper Wojciech Szczesny u ftit jiem wara l-akkwist ta’ Douglas Costa.
