Iċ-ċiklista Britanniku ta’ Team Sky Chris Froome rebaħ it-Tour de France għar-raba’ darba fil-karriera, f’dak li hu meqjus bħala l-aktar rebħa diffiċli sa issa. Il-leader ta’ Team Sky iddeskriva t-tiġrija ta’ din is-sena bħala l-aktar wieħed missielta u viċin wara li assigura mir-rebħa s-Sibt f’time -trial u għalaq it-tour ilbieraħ bl-aħħar tappa lejn Champs-Elysees flimkien ma’ sħabu f’dik li kienet aktar sprint tat-timijiet minn dik tal-leaders innifishom. Dylan Groenwegen ta’ Lotto-Soudal rebaħ l-istadju fi sprint finali f’Pariġi wara li għeleb lil Andre Greipel b’distakk żgħir.
“Ninsab bla kliem. Hemm xi ħaġa speċjali dwar ix-Champs-Elysees meta tagħmel tliet ġimgħat taħseb li tkun hawn f’dan il-mument. Hu sabiħ ħafna li tara l-mara u t-tifel tiegħi għal darba oħra. Kull darba li erbaħt kienet unika, huma kollha speċjali imma din se tibqa’ mfakkra bħala l-aktar waħda missielta u viċina,” qal iċ-ċiklista ta’ Team Sky.
Froome spiċċa l-istadju tas-Sibt b’54 sekonda vantaġġ fuq ir-rivali tiegħu li hu l-anqas sal-lum. Fi tmiem tliet ġimgħat u 21 stadju b’aktar minn 3,500 kilometru, Froome spiċċa b’daħka kbira flimkien ma’ sħabu, li libsu flokk speċjali fl-okkażjoni, bi flokk isfar jieħu post dak blu tas-soltu.
Kif Spiċċaw
Chris Froome Team Sky 83:55.16
Rigoberto Uran Cannondale Drapac +54 sekonda
Romain Bardet AG2R La Mondiale +2.20 minuti
Mikel Landa Team Sky +2.21 minuti
Fabio Aru Astana +3.05 minuti
Daniel Martin Quick-Step Floors +4.42 minuti
Simon Yates Orica-Scott +6.14 minuti
Louis Meintjes Team Emirates +8.20 minuti
Alberto Contador Trek-Segafredo +8.49 minuti
Warren Barguil Team Sunweb +9.25 minuti
