Fi tmiem il-ġimgħa, il-kandidat ghal elezzjoni ta’ Kap tal-Partit Nazzjonalista Chris Said habbar zewg proposti għal kariga u struttura mill-iktar importanti tal-Partit Nazzjonalista.
L-ewwel proposta hi dwar il-ħatra tas-Segretarju Ġenerali. Chris Said qed jipproponi li l-persuna li tokkupa din il-kariga tkun magħżula mill-Kunsill Ġenerali minflok il-Kumitat Eżekuttiv. Fi kliem ieħor, is-Segretarju Ġenerali jintgħażel minn fost 1,400 Kunsillier milli l-ftit membri tal-Eżekuttiv.
It-tieni proposta mressqa mid-Deputat Chris Said hi dwar l-Elcom, il-kummissjoni li tieħu ħsieb l-elezzjonijiet.
Chris Said qed jipproponi li l-Elcom tkun rappreżentata kemm fil-Kunsill Ġenerali kif ukoll fl-Eżekuttiv u tkun amministrata minn bord apposta.
Id-data, l-istħarriġ, ir-riċerka u t-tesserament jgħaddu taħt ir-responsabbilta’ tal-Elcom. Dan bil-għan biex il-Partit Nazzjonalista ikun organizzat aħjar għall-elezzjonijiet, bl-ewwel test importanti ikunu l-elezzjonijiet għall-Parlament Ewropew u l-Kunsilli Lokali fl-2019.
