Deċiżjoni wara inkjesta li ilha għaddejja mill-2015
Il-Prim Ministru tal-Pakistan Nawaz Sharif irriżenja mit-tmexxija tal-pajjiż wara li l-Qorti Suprema sabitu ħati f’każ ta’ korruzzjoni li jinvolvi kumpaniji sigrieti imsemmija fil-Panama Papers.
Il-każ ħareġ fil-beraħ sentejn ilu wara li isem il-familja Sharif deher fil-Panama Papers. Wara, irriżulta li t-tfal tal-Prim Ministru kellhom kumpaniji sigrieti fil-Panama.
Il-verdett tal-Qorti kien wieħed unanimu.
Wieħed mill-Imħallfin stqarr li Sharif ma kienx eleġibbli aktar li jitqies Membru Parlamentari onest u għalhekk irid iwarrab.
