“Jien irrid inġib fil-Partit Nazzjonalista l-esperjenza li ksibt fil-ħajja biex nagħtu pajjiż aħjar lill-uliedna.”
Dan qalu Adrian Delia, l-kandidat għall-elezzjoni ta’ Kap tal-Partit Nazzjonalsita meta kien qed iwieġeb għall-mistoqsijiet ta’ Saviour Balzan fil-programm Xtra Sajf fuq TVM.
Adrian Delia meta mistoqsi wieġeb li hu ġie mill-isperjenza tal-ħajja u l-entużjażmu tiegħu jiġi meta jħares lejn il-ħames uliedu. Sostna li meta jħares lejn uliedu, hu jistaqsi, x’pajjiż se nħallulhom lill-uliedna? Delia sostna, “se nħallulhom pajjiż b’aktar ODZ. pajjiż fejn l-enerġija tfisser enerġija nadifa, pajjiż fejn naħsbu aktar fuq is-soluzzjonijiet?”
Adrian Delia sostna li jekk irridu pajjiż li l-barranin jiġu biex jaraw pajjiż sabiħ, sostna li l-investiment irid isir, irid isir fi strutturi biex nibnu mhux biss il-ħitan, mhux biss il-cranes, imma nibnu il-ħolm ta’ uliedna, sostna li dik hi l-aspirazzjoni tiegħu fil-politika.
