Inċident stramb ħafna seħħ dalgħodu f’Tas-Sliema meta karozza tat-tip Kia Avella baqgħet dieħla fuq il-promenade fi Triq it-Torri. Il-każ seħħ fil-5:15am.
Jirriżulta li l-Ingliża ta’ 49 sena tilfet il-kontroll tal-karozza tagħha, baqgħet dieħla f’siġra, kissret tliet bollards, kisret xi madum tal-paviment sakemm waqfet fuq l-istess promenade. Iżda dan ma kienx biżejjed.
Net News huwa nfurmat illi l-mara, residenti Tas-Sliema stess, ħalliet il-karozza fejn kienet u baqgħet sejra ix-xogħol.
Fil-fatt, il-Pulizija sabu lill-mara aktar tard fil-post tax-xogħol fejn taħdem.
Aktar investigazzjonijiet dwar il-każ għadhom għaddejin.
//= $special ?>