L-attakkant ta’ Milan Carlos Bacca ħalla lill-klabb wara li laħaq ftehim ma’ Villarreal. Bacca se jkun misluf sa tmiem l-istaġun lit-tim Spanjol għas-somma ta’ 2.5 miljun ewro. Jekk Villarreal jiddeċiedu li jakkwistaw lil dan il-plejer iridu jħallsu s-somma ta’ 15.5 miljun ewro.
Bacca se jkun qed jieħu post Roberto Soldado li f’dawn l-aħħar jiem ħalla lit-tim u ngħaqad ma’ Fenerbahce. Din l-aħbar tfisser li Bacca se jkun qed jirritorna fil-La Liga wara sentejn fis-Serie A. Fiż-żewġ staġuni Bacca skurja total ta’ 31 gowl.
Issa wieħed irid jara lil min se jakkwistaw Milan biex jieħu post Bacca.
