Il-plejer internazzjonali Maltija Rachel Cuschieri se tkompli l-esperjenza tagħha barra minn xtutna hekk kif laħqet ftehim mat-tim tan-nisa ta’ Anderlecht RSC Anderlecht Dames ’71. Cuschier ilha titħarreġ mat-tim Belġjan għal dawn l-aħħar kważi erba’ ġimgħat u jidher li ħalliet l-impatt mixtieq.
Cuschieri li ffirmat kuntratt ta’ sena, kienet ilha tilgħab ma’ Apollon Limassol Ladies fil-kampjonat Ċiprijott mill-2014, wara li f’pajjiżna lagħbet fil-kampjonat tan-nisa ma’ Birkirkara fejn fost l-unuri rebħet tliet darbiet il-kampjonat mat-tim karkariż.
