Sewwieq ta’ mutur ta’ 62 sena mix-Xagħra Għawdex qed isofri minn ġrieħi serji wara li lbieraħ kien involut f’inċident tat-traffiku fi triq Tal-Ħamrija, ix-Xewkija, Għawdex.
L-inċident seħħ għall-ħabta tas-sitta u kwart ta’ filgħaxija meta r-raġel li kien qed isuq mutur tat-tip Honda tilef il-kontroll tal-mutur u waqa’ mal-art.
Ir-raġel ttieħed l-isptar Ġenerali t’Għawdex fejn ġie ċċertifikat li qiegħed isofri minn ġrieħi serji.
Bil-każ ġie infurmat il-Maġistrat tal-Għassa Paul Coppini li ordna li ssir inkjesta u ħatar diversi esperti sabiex jassistuh.
