Rapport: Keane Cutajar
ĦAMRUN S.……………..…0
HIBERNIANS………………1
Ħamrun: S. Sultana, K. Micallef (D. Camilleri 78’), D. Zerafa, T. Agius (C. Pedro Henrique 63’), T.Caruana (J. Galea 78’), T. Souza, G. De Castro, T. Espindola, A. Faria, V Gomes, F. Marino
Hibernians: A. Hogg, M. Kreuzriegler, R. Gomes, J. Lima, R. Soares, M. Dias, J. Degabriele (J. Mbong 77’), B. Kristensen, C. Failla (J Dos Santos 56’), A. Agius, M. Sahanek (D. Vella 87’).
Imwissija: G. De Castro 19’, T. Souza 37’ (HS) M. Sahanek 33’, C. Pedro Henrique 69’ (H)
Skorja: J. Degabriele 58’ (Hibernians)
Referee: Fyodor Zammit
Assistenti Referees: Luke Portelli, William Debattista
In-Nazzjon Plejer tal-logħba: Bjorn Kristensen (Hibernians)
Attendenza: 1,086
Il-Brażiljani taż-żewġ timijiet reġgħu kienu tajjeb, f’partita li rajna l-ewwel taqsima toffri ftit li xejn azzjonijiet b’ħafna mil-logħob jintlagħab f’nofs il-grawnd b’periklu rari lejn il-lasti taż-żewġ naħat.
Il-logħba sbieħet lejn l-aħħar battuti tagħha, b’Hibernians japprofittaw mill-ftit azzjonijiet perikolużi li nħolqu. Il-fiżikalità ma’ naqsitx matul id-90 minuta bit-tim ta’ Miller juri ħarira iktar ambizzjoni.
L-ewwel azzjoni tat-tieni taqsima u l-ewwel gowl tal-partita wasal fit-58 minuta, meta wara ħarba veloċi minn pass ta’ Jackson Lima, Jurgen DEGABRIELE xeħet fix-xibka minn qagħda angolata.
Fis-67 minuta seta’ gie mogħti penalty lil Ħamrun meta Rui Da Garcia Gomes deher li seta’ waqqa’ lil Marino fil-kaxxa iżda Fyodor Zammit ħalla l-logħob għaddej. L-istess Marino deher jagħmel mossi lejn il-partitarji ta’ Hibernians u kien hawn li ż-żewġ settijiet ta’ partitarji qamu fuq tagħhom.
Mat-tokki tad-90 minuta, Jackson Lima sab lilu nnifsu f’pożizzjoni tajba wara kontrattakk ta’ Hibernians, bix-xutt tiegħu jiġi mdawwar f’korner b’akrobazija ta’ Sultana. Mill-istess korner, il-ballun ġie għand Soares barra l-kaxxa li ra t-tentattiv tiegħu jkun salvat għal darba oħra bi bravura minn Sultana.
Fl-aħħar azzjoni tal-partita Ħamrun għal ftit ma skurjawx però Hogg kien attent u minn tulu tar biex salva ballun li deher gowl ċert.
