Is-sewwieq tad-Ducati Andrea Dovizioso rnexxielu jirbaħ il-Grand Prix tal-Gran Britannja u ħa post Marc Marquez fil-quċċata tal-klassifika tas-sewwieqa wara li l-Ispanjol ma spiċċax it-tiġrija.
Dovizioso ħa l-vantaġġ minn Valentino Rossi bi tliet dawriet għat-tmiem biex kiseb ir-raba’ rebħa fl-2017. It-Taljan issa jinsab disa’ punti vantaġġ fuq Marquez li waqaf b’seba’ dawriet għat-tmiem.
Maverick Vinales tal-Yamaha, bis-seba’ darbiet champion Valentino Rossi jispiċċa t-tielet qabel Cal Crutchlow.
Għal Rossi, din kienet it-300 tiġrija fl-ogħla klassi u kellu ċans tajjeb li jikseb id-90 rebħa meta mar fuq quddiem fl-ewwel dawra wara li qabeż lil Marquez. Iżda l-vantaġġ tiegħu beda jonqos mal-ħin, b’Dovizioso u Vinales jersqu qrib, bil-kompatrijott jitla’ fl-ewwel post.
Wara t-tiġrija, Rossi qal li kien kuntent għaliex xtaq li jispiċċa fuq il-podju u sostna li kellu tiġrija tajba. Dovizioso żied jgħid li huma kompetittivi ħafna fil-kundizzjonijiet tat-tiġrija u qal li fl-aħħar żewġ dawriet ta kollox. Hu ammetta li ma kienx veloċi biżżejjed iżda rnexxielu jirbaħ il-battalja ma’ Vinales.
It-tiġrija li jmiss hi f’Misano l-Italja fl-10 ta’ Settembru.
Klassifika tas-Sewwieqa
Andrea Dovizioso 183 punt
Marc Marquez 174 punt
Maverick Vinales 170 punt
Valentino Rossi 157 punt
Dani Pedrosa 148 punt
Johann Zarco 109 punt
Jorge Lorenzo 90 punt
Cal Crutchlow 89 punt
Jonas Folger 77 punt
Danilo Petrucci 75 punt
