Valtteri Bottas spiċċa ftit qabel Lewis Hamilton fit-tieni sessjoni ta’ provi liberi bi preparazzjoni għal Grand Prix tal-Italja, iżda l-Ferrari jinsabu qrib is-Silver Arrows.
Wara li Lewis Hamilton spiċċa fuq quddiem fl-ewwel sessjoni l-Ġimgħa filgħodu, iżda Bottas spiċċa biss 0.056 ta’ sekonda, b’Vettel itemm 0.140 ta’ sekonda wara l-Britanniku, u għalhekk mistennija dwell ieħor bejn il-Mercedes u l-Ferrari.
B’Kimi Raikkonen jispiċċa kważi 0.4 ta’ sekonda, il-karozzi l-oħra kienu distakkati, bid-duo tar-Red Bull Max Verstappen u Daniel Ricciardo jispiċċaw aktar minn sekonda tard.
Prestazzjoni tajba minn McLaren b’Vandoorne u Alonso spiċċaw fis-seba’ u t-tmien post, minkejja li l-Ispanjol għandu penalità ta’ 35 post minħabba l-bdil ta’ magni Honda.
Iżda Carlos Sainz kellu sessjoni frustranti hekk kif l-Ispanjol li diġà għandu penalità ta’ 10 postijiet, ra s-sessjoni tiegħu tintemm ħesrem bid-duħħan joħroġ minn wara tal-karozza tiegħu. Is-sessjoni ta’ Magnussen ukoll intemmet qabel wara problemi fis-suspension.
Esteban Ocon u Felipe Massa għaqdu l-ewwel għaxra, filwaqt li wara li kellhom sessjoni ta’ filgħodu diżappuntanti, Renault tjiebu wara nofsinhar b’Nico Hulkenberg u Jolyon Palmer jispiċċaw fit-12 u t-13-il post rispettivament.
Kif Spiċċaw fit-tieni sessjoni
1. Valtteri Bottas Mercedes 1:21.406
2. Lewis Hamilton Mercedes +0.056
3. Sebastian Vettel Ferrari +0.140
4. Kimi Raikkonen Ferrari +0.398
5. Max Verstappen Red Bull +1.003
6. Daniel Ricciardo Red Bull +1.346
7. Stoffel Vandoorne McLaren +1.541
8. Fernando Alonso McLaren +1.562
9. Esteban Ocon Force India +1.571
10. Felipe Massa Williams +1.579
11. Carlos Sainz Toro Rosso +1.744
12. Nico Hulkenberg Renault +1.866
13. Jolyon Palmer Renault +1.911
14. Sergio Perez Force India +1.946
15. Lance Stroll Williams +1.997
16. Romain Grosjean Haas +2.161
17. Kevin Magnussen Haas +2.244
18. Daniil Kvyat Toro Rosso +2.847
19. Marcus Ericsson Sauber +3.488
20. Pascal Wehrlein Sauber +3.889
