Sfida fuq Twitter minn żagħżugħ Ingliż wasslet biex fid-69 minuta tal-logħba bejn Malta u l-Ingilterra, li spiċċat bl-iskor ta’ 4-0, kien hemm invażjoni fil-pitch.
Jake Peachey fuq Twitter għamel sfida lis-segwaċi tiegħu billi qal li jekk ikun hemm mal-400 retweet tal-istatus tiegħu kien se jinvadi l-Pitch. Laħaq it-tragward u hekk għamel.
Mal-invażjoni fil-pitch, Peachey deher imur fuq il-plejers Ingliżi u jgħannaqhom u kien hawn li daħlet il-pulizija tiġri wara dan iż-żagħżugħ, sakemm dan waqaf u ġie arrestat.
Jake Peachey ġie interrogat mill-Pulizija u mhux magħruf jekk hux se jitressaq il-qorti.
FILMAT: Ella Sultana
