L-istatwa ta’ La Vallette fi pjazza De Vallette u l-istatwa tar-Reġina Vitorja f’Misraħ ir-Repubblika kienu tnejn minn numru ta’ statwi li dalgħodu qamu lebsin il-ġkieket tas-salvataġġ, u fuq kull ġakketta tas-salvataġġ, in-numru ‘14,500’.
Il-ġkieket tas-salvataġġ tpoġġew fuq dawn l-istatwi bħala parti minn protesta b’messaġġ dwar l-immigrazzjoni rregolari fil-Baħar Mediterran.
B’kollox hu maħsub li mill-2014, mietu mal-14,500 persuna fil-Mediterran, huma u jipprovaw ifittxu ħajja aħjar għalihom u għall-familji tagħhom.
Il-ġkieket tas-salvataġġ fuq l-istatwi u l-monumenti fil-Belt tpoġġew b’messaġġ kontra n-nuqqas ta’ azzjoni mill-Unjoni Ewropea biex tnaqqas dawn l-imwiet.
Monumenti oħra li fuqhom tpoġġew il-ġkieket tas-salvataġġ jinkludi l-monument tas-Sette Giugnio u l-iskulturi ta’ Antonio Sciortino u Les Gravroches.
