Il-Kummissjoni Elettorali għall-Elezzjoni ta’ Kap tal-Partit Nazzjonalista qed tavża lil dawk il-persuni li huma reġistrati fuq Għawdex (li għandhom l-indirizz fuq il-karta tal-identità f’Għawdex) li għadhom ma ġabrux id-dokument tal-vot jistgħu jagħmlu dan jew illum sat-20:00 mid-Dar Ċentrali f’Malta, jew inkella għada bejn is-13:00 u s-18:00 minn Ta’ Sannat, f’Għawdex.
Hu importanti li persuni li huma reġistrati fuq Għawdex li se jiġbru d-dokument tal-vot tagħhom minn Malta għada, illum jibgħatu email lill-Kummissjoni Elettorali fuq kummissjoni@pn.org.mt biex jinfurmahom b’dan.
Sadanittant, dawk il-persuni li huma reġistrati fuq Malta li għadhom ma ġabrux id-dokument tal-vot jistgħu jagħmlu dan illum sat-20:00 mid-Dar Ċentrali f’Tal-Pietà, jew għada l-Ħamis bejn id-09:00 u s-18:00 mill-istess Dar Ċentrali.
Sal-bieraħ filgħaxija, ġabru d-dokument tal-vot madwar 12,500 tesserat tal-Partit Nazzjonalista li, b’hekk, issa huma eliġibbli biex jivvutaw fl-elezzjoni ta’ nhar is-Sibt li ġej. 2,500 tesserat diġà vvota fl-elezzjoni bikrija nhar is-Sibt li għadda.
