Bdiet titlaqqa’ l-Konvenzjoni Ġenerali tal-Partit Nazzjonalista, li eventwalment se tkun qed teleġġi Kap għall-Partit Nazzjonalista.
Illejla fis-sala tad-Dar Ċentrali mistenni l-aħħar diskors ta’ Simon Busuttil bħala Kap tal-Partit Nazzjonalista.
L-elezzjoni ta’ għada se tkun miftuħa bejn it-8am u d-9pm fuq il-Fosos u fl-MFCC, filwaqt li f’Ta’ Sannat se tkun miftuħa bejn it-8am u t-8pm. Wara l-votazzjoni, jibda mill-ewwel il-proċess tal-Għadd tal-Voti fuq il-Fosos, bil-mezzi tax-xandir tagħna se jingħaqdu f’xandira simultanja li tibda għall-ħabta tat-8pm.
