Il-kandidat għal Kap tal-Partit Nazzjonalista Adrian Delia tefa’ l-vot tiegħu wara li vvota fiċ-ċentru tal-votazzjoni fl-MFCC f’Ta’ Qali.
Hu vvota għall-ħabta tal-11.00 ta’ filgħodu u kien akkumpanjat mill-mara tiegħu. Mal-wasla tiegħu, hu ntlaqa’ mill-uffiċjali tal-Partit Nazzjonalista li qed jassistu fil-proċess tal-elezzjoni f’Ta’ Qali.
F’Malta kemm il-Fosos tal-Floriana u kemm l-MFCC Ta’ Qali (minn naha tal-istadium nazzjoni) il-postijiet tal-votazzjoni jibqgħu miftuħin sad-9pm waqt li f’Għawdex jagħlaq fit-tmienja tal-lejla.
Minnufih wara, il-kaxxi tal-voti ta’ Għawdex jittieħdu l-Fosos tal-Furjana fejn hemmek isir l-għadd tal-voti.
