Il-Midnight Walk li torganizza l-Hospice Malta saret b’suċċess fi tmiem il-ġimgħa li għaddiet.
Numru sabiħ ta’ parteċipanti imxew matul il-lejl biex jagħmlu differenza fil- ħajja ta’ dawk li għaddejjin mumenti diffiċili. Il-flus miġbura mill-attivita’ se jmorru biex il-Hospice jkompli joffri kura paljattiva u servizzi b’xejn lil persuni morda bil- kanċer , motor neurone disease u mard ieħor serju.
Qabel ma bdiet il-mixja kien osservat minuta ta’ silenzju għal persuni li mietu bil-kanċer.
Kull parteċipant ta’ donnazzjoni ta’ €10. Ingħata wkoll ċertifikat lil kull min ipparteċipa.
L-attivita bdiet fid-9pm bi spettaklu fil-pjazza ta’ Bugibba bil-mixja bdiet fil-11pm mill-pjazza ta’ Bugibba tul il-kosta tal-Qawra dawk aktar qalbiena u sportivi komplew l-mixja sal-pjazza tal-Mosta.
