Ritratt tal-Kap il-ġdid tal-Partit Nazzjonalista Adrian Delia, u l-mara tiegħu Nicole, jiddomina l-ewwel paġna ta’ In-Nazzjon bit-titlu fuq ir-ritratt ‘Il-bidla li tgħaqqadna’. In-Nazzjon jirrapporta fid-dettal il-messaġġ li wassal il-Kap tal-Partit Nazzjonalista Adrian Delia meta lbieraħ kellu l-ewwel attività uffiċjali tiegħu bħala Kap tal-Partit Nazzjonalista meta fetħu l-festi tal-Partit Nazzjonalista li qed ifakkru l-anniversarju tal-Indipendenza. L-attivitajiet tal-Indipendenza Fuq il-Fosos fetħu b’intervista li għamel Peppi Azzopardi lil Adrian Delia. Il-ġurnal jirrapporta wkoll b’ritratti, il-laqgħat li għamel ilbieraħ filgħodu Adrian Delia, man-nies.
Bħal kull nhar ta’ Tnejn, In-Nazzjon janalizza l-aħbarijiet finanzjarji tal-aħħar ġimgħa, kif ukoll intervista ma’ Oliver Friggieri.
