Il-Fondazzjoni għall-Aċċessibilità fl-Informatika ppreżentat lil Libreriji Maltin kopja bil-Braille, li ħolqot il-FITA, tar-rumanz bil-Malti, San Ġwann ta’ Ġużè Galea u kopja kompluta bil-Braille, tad-dizzjunarju Oxford English Dictionary. Dan il-proġett jikkonsisti fi 3 volumi, u ġie sponsorjat minn Bridgette Micallef, l-NGO ADVICE u l-FITA. Is-16-il-volum tad-dizzjunarju Oxford English Dictionary ġew ġentilment mogħtija b’donazzjoni minn Marcel Cremona.
Il-FITA tassisti individwi b’diżabilità, u entitajiet fil-qasam privat u dak pubbliku, biex jagħmlu użu minn teknoloġija aċċessibbli fl-edukazzjoni u fil-post tax-xogħol. Dan jinkludi l-użu ta’ kompjuters jitkellmu u li tista’ tikkmandahom bil-vuċi. Minkejja dan, konsultazzjoni mal-għaqdiet tal-persuni b’diżabilità wriet li l-Braille baqagħlu importanza kbira bħala għodda ta’ tagħlim u litteriżmu. Din il-ħila għadha bżonjuża f’postijiet tax-xogħol klerikali, fejn l-emails u r-rapporti ma jonqsux.
