Tfajla Taljana ta’ sittax-il sena weġġgħet gravi wara li t-Tnejn wara nofsinhar intlaqtet minn mutur f’San Ġiljan.
L-inċident seħħ għall-ħabta tat-3p.m. meta għal xi raġuni it-tfajla, minn Tas-Sliema, intlaqtet minn mutur tat-tip Kawasaki li kien misjuq minn raġel ta’ 41 sena mis-Swieqi.
It-tfajla ttieħdet l-isptar Mater Dei u ġiet ċertifikata li sofriet ġrieħi gravi. Is-sewwieq tal-mutur ma sofriex ġrieħi.
