Is-Soċjetà Maltija tal-Avjazzjoni, organizzaturi tal-Malta International Airshow qed jappellaw lill-pubbliku biex ma jużawx drones fil-postijiet fejn se ssir l-Airshow u l-viċinanzi tagħhom.
F’din il-25 edizzjoni tal-Airshow se jipparteċipaw l-akbar numru ta’ pajjiżi li qatt ħadu sehem fl-Airshow Maltija. Waqt l-attività, il-pubbliku se jkun jista’ jara diversi ajruplani militari mill-qrib u anke jiltaqa’ ma’ wħud mill-aqwa piloti u inġiniera fis-settur.
Il-pubbliku jista’ jżur l-Airshow fl-Ajruport Internazzjonali ta’ Malta min-naħa ta’ Ħal Farruġ, biswit il-Lufthansa Technik li se tkun miftuħa għall-pubbliku mid-9.30am sat-3.00pm. Il-wirja fl-ajru ser issir fi Smart City Malta bejn l-4.00pm u s-7.00pm.
