Rockestra hi avveniment annwali fil-kalendarju tal-Malta Community Chest Fund Foundation u li din is-sena taħbat id-disa’ darba li l-kunċert se jkun organizzat.
Din is-sena, Rockestra ser ikun kunċert kompost kompletament minn mużika rock orkestrata mill-Orkestra Filarmonika ta’ Malta taħt id-direzzjoni tas-surmast Sigmund Mifsud u bid-direzzjoni artistika ta’ Pawlu Borg Bonaci.
Fost diversi sorpriżi din is-sena se jkun hemm il-grupp poplari The Characters. Jirritorna wkoll f’Rockestra l-ikona tar-Rock fuq livell internazzjonali, Marc Storace.
Il-qliegħ ta’ dan l-avveniment ser imorru kollha għal Fundazzjoni Malta Community Chest Fund. Rockestra ser jsir fl-MFCC f’Ta’ Qali is-Sibt 30 ta’ Settembru 2017.
