Minn għada, il-vetturi li ġejjin mid-direzzjoni ta’ Belt is-Sebħ se jidħlu l-Belt minn Triq Santa Luċija. Dan hekk kif se jibda l-proċess ta’ bini mill-ġdid ta’ Triq San Mark, li tinkludi fiha d-daħla tas-soltu. Ix-xogħol se jkun qed isir minn Transport Malta.
Fi stqarrija, Transport Malta ħabbret li x-xogħol se jibda għada fid-9am u mistenni jieħu numru ta’ ġimgħat minħabba li se jkunu qed jingħaddew u jiġu kkomunikati s-servizzi mill-ġdid. Għaldaqstant, Triq San Mark se tibqa’ magħluqa sakemm jitlesta x-xogħol.
Transport Malta skużat ruħha għal kull inkonvenjent, filwaqt li appellat lis-sewwieqa biex joqgħodu attenti għall-bdil fl-arranġamenti tat-traffiku, isegwu s-sinjali tat-traffiku temporanji u l-istruzzjonijiet tal-Uffiċjali fil-post.
