Rickie Lambert ħabbar li rtira mill-futbol fl-età ta’ 35 sena. Matul il-karriera tiegħu Lambert lagħab ma’ diversi timijiet fosthom Southampton, Liverpool, West Bromwich Albion u anke t-tim nazzjonali Ingliż.
L-eksattakkant lagħab 11-il darba mal-Ingilterra u skurja tliet darbiet.
B’kollox hu lagħab ma’ total ta’ disa’ klabbs f’erba’ diviżjonijiet.
Hu kien beda l-karriera ma’ Blackpool qabel ma lagħab ma’ Macclesfield Town, Stockport County, Rochdale, Bristol Rovers, Southampton, Liverpool, West Bromwich Albion u Cardiff City.
