Għadd ta’ annimali eżotiċi tilfu ħajjithom it-Tlieta filgħodu wara li nirien kbar ħakmu park tal-annimali fl-Imtaħleb.
Skont informazzjoni li kiseb Net News, jidher li żewġ xadini u emu mietu b’kawża tad-duħħan, filwaqt li l-leoparda – filwaqt li diversi annimali eżotiċi oħrajn irnexxielhom isalvaw. Fost l-annimali li skansaw in-nirien, ġie konfermat li grazzi għall-ħidma mill-membri tal-Protezzjoni Ċivili ġew salvati t-tigri, l-orsijiet u l-iljuni fost l-oħrajn.
Sid il-post li nħakem bin-nar, flimkien mal-familja joqgħod f’residenza li tinsab viċin il-park tal-annimali. In-nirien kbar ħadu għal ħabta tal-5.30 ta’ filgħodu.
Net News kiseb informazzjoni li l-orsijiet irnexxielhom jaħarbu min-nirien wara li huma stess niżlu f’vaska kbira tal-ilma li huma kellhom.Waqt li l-ħidma għadha għaddejja fil-park tal-annimali f’din l-operazzjoni ta’ salvataġġ.
Fl-istess waqt, l-annimali li ġew salvati se jingħataw lopju biex kura veterinarja tkun tista’ tingħata lil dawk l-annimali li sofrew xi ġrieħi fl-inċident. Ġew salvati wkoll u qegħdin jingaħtaw attenzjoni medika frieħ ta’ tigri li twieldu aktar kmieni din is-sena.
Ukoll fuq il-post marru membri mid-Dipartiment tal-Ħarsien tal-Annimali li qegħdin jaħdmu biex isiru magħrufa kemm hemm annimali neqsin u kif ukoll kemm tilfu ħajjithom.
Fuq il-midja soċjali, intefgħu ritratti mill-park tal-annimali bl-annimali li ġew salvati:
Fost l-annimali li ġew salvati, kien hemm ukoll kelba li għadha kif weldet il-ġriewi tagħha:
B’reazzjoni għal dan l-inċident kitbet fuq Facebook Moira Delia, attivista’ favur l-annimali:
S’issa għadu mhux magħruf x’ikkawża n-nirien – bil-każ issa ġiet infurmata l-Maġistrat tal-Għassa Marseanne Farrugia li ħatret diversi esperti biex jassistuha fl-inkjesta li ġiet appuntata.
