Valletta United bdew jaħdmu wkoll għall-impenji li jmiss fix-xitwa, hekk kif ħatru lil Bogdan Rath bħala l-kowċ tagħhom fuq kuntratt ta’ tliet snin. Rath li hu Rumen b’passaport Taljan, ilu f’pajjiżna għal diversi snin hekk kif lagħab f’Malta ma’ Sliema u San Ġiljan.
Bħala kowċ, Bogdan Rath mexxa lil San Ġiljan, Sirens u f’dan l-istaġun lil Sliema. Hu se jkun qed jieħu post Stephen Rizzo, bit-tama li t-tim Belti jkun kompetittiv u jipprova jevita l-aħħar post fil-Kampjonat Premier.
B’din il-ħatra, il-klabbs kollha tal-Kampjonat Premier mistennija jkollhom kowċ barrani fit-tmexxija teknika.
