Brijju liema bħalu matul ix-xatt ta’ San Ġiljan sa Tas-Sliema – tfal u kbar libsu ta’ buffi biex ħadu sehem fil-parata ta’ ferħ organizzata minn Dr Klown.
Dr Klown għamlu din l-isfida biex jiġbru l-akbar ammont ta’ nies li jilbsu kostum ta’ buffi – iżda mhux biss hekk kif ħafna tfal ġabu magħhom kartelluni b’messaġġi pożittivi dwar l-għan prinċipali – dik li jgħinu u jferħu tfal li bħalissa jinsabu rikoverati l-isptar.
Net News attenda u tkellem ma’ Dr Gerfex, Dr Big, Dr Freckles u Dr Bubbly dwar x’messaġġ jixtiequ jgħaddu lit-tfal kollha. Huwa stqarru li l-akbar dispjaċir tagħhom hu li t-tfal li qegħdin l-istpar ma segħtux qegħdin magħhom f’Tas-Sliema jieħdu gost – madanakollu appellaw lit-tfal kollha preżenti biex ixerdu l-kelma u jkomplu jgħinu lill-ħaddieħor fil-bżonn.
Tkellimna wkoll ma’ tfal li ħadu sehem f’din l-attivita’ biex jgħinu lil tfal oħra – fejn kollha stqarru li huma biex biss ħadu sehem biss biex jieħdu gost bil-kostumi tal-buffi, imma wkoll biex jgħinu lil tfal oħra fil-bżonn.
Aktar tard, waslet ukoll il-President ta’ Malta Marie Louise Coleiro Preca li għalqet din l-attivita b’suċċess.
