Il-Moviment Nisa Partit Nazzjonalista fi stqarrija sostna li jistmerr u jiddiplora l-assassinju tal-ġurnalista u blogger, Daphne Caruana Galizia.
Daphne mhux biss kienet meqjusa bħala l-aqwa ġurnalista investigattiva ġewwa pajjiżna, imma kienet magħrufa mad-dinja kollha bħala l-ġurnalista li kixfet l-iskandli tal-Panama. Ingħatat ukoll rikonoxximent bħala waħda minn 28 ġurnalist li biddlu l-ġurnalizmu fl-Ewropa.
Il-qtil ta Daphne ifisser li l-liberta tal-kelma reġgħet qed tiġi mhedda f’Malta u l- ogħla istituzzjonijiet f’pajjiżna qed jitmermru.
L-MNPN sostna li Daphne mietet martri biex issalva d-demokrazzija u d-dritt tal-espressjoni ħielsa f’pajjiżna u jixtieq juri solidarjeta’ mal-familja tagħha kollha.
