Diversi toroq fiż-żona ta’ G’Mangia dalgħodu kienu evakwati wara li l-Pulizija rċeviet rapport ta’ oġġett suspettuż f’żewġ karozzi. Minkejja dan, it-tfitxija ma sabet xejn suspettuż iżda ġew innutati xi twieqi mkissrin.
Preżenti kien hemm it-taqsima tal-Explosives Ordinance Disposal, li flimkien mat-Taqsima tal-Klieb tal-Pulizija għamlu tfittxijiet intensivi fuq żewġ karozzi fi Triq l-Ursolini u Triq J. Borg, viċin residenza ta’ uffiċjal għoli tal-Korp tal-Pulizija.
