Komunità, Arti, Kultura, Tradizzjoni u Ambjent – it-temi magħżula b’rapresentazzjoni tal-lokalità tal-Floriana.
F’filmat ta’ ftit aktar minn minuta naraw dak li toffri l-lokalità Furjaniża b’tema ta’ #explorefloriana. Filmat li tista’ tgħid anke juri l-kalendarju t’attivitajiet li jsiru fil-Floriana minsuġin ma’ dak kollu li toffri ta’ kuljum il-lokalità u li forsi ftit huma li jagħtu każ.
Ġonna li jħarsu lejn iż-żewġ portijiet, oħrajn fiċ-ċentru, il-Fosos, il-kappella tal-Lourdes, il-Knisja Arċipretali ta’ San Publju li tkun ta’ xena mill-isbaħ fl-isfond ta’ ħafna spettakli u bosta oħrajn. Dawn kollha tista’ tarahom fil-filmat t’hawn fuq.
