Rapport: James Aaron Ellul
SENGLEA A…………1
GŻIRA U……………..1
Senglea: G. Cetrangolo, R. Vella, J. Farrugia (R. Dalli 60’), A. Terracciano, S. Uyi, N. Virano (Del Negro 76’), H. Vella, J. Leyton, T. Vella, M. Garcia, M. Esobar
Gżira: J. Haber, G. Muir, C. Gatt Baladacchino, S. Kamana, S. Borg, M. Avila Perez, R. Briffa, A. Cohen, J. Corbolan (N. Muscat 87’) , N.E. Okoye. A. Samb (Z. Scerri, 78’)
Imwissija: M. Avila Perez 54’ (G), R. Vella 68’ (S), Samb 73’ (G), Okaye 87’ (G), R. Dalli 90’ (S)
Skorjaw: N.E. Okoye 48’ (G), T. Vella 88’ (S)
Referee: Trustin Farrugia Cann
Assistenti Referees: Duncan Sultana, Ryan Aquilina
In-Nazzjon Plejer tal-logħba: Giulio Cetrangolo (Senglea A)
Attendenza: 270
Logħba ta’ ftit karattru fl-ewwel taqsima tieħu l-ħajja fit-tieni taqsima hekk kif Gżira fetħu l-iskor tliet minuti wara l-bidu tat-tieni taqsima iżda Senglea jġibu l-gowl tad-draw żewġ minuti mit-tmiem tal-partita. Logħba li rat bosta karti sofor u kif ukoll rat żewġ penalties. Wieħed konvertit u l-ieħor le.
Tul l-ewwel taqsima, it-tim tal-Gżira jiddomina l-maġġoranza tal-partita, bl-Isla jiddefendu sew. Fost l-oħrajn l-Isla kellhom neqsin lil Steve Bonnici, Ian Azzopardi u Rene Caseres.
L-ewwel azzjoni tal-partita ġiet fir-raba’ minuta minn Gżira wara fawl barra l-kaxxa, f’pożizzjoni kemxejn angulata li iżda ma ħoloqx periklu lejn il-lasti tal-Isla, b’xutt ta’ Cohen jmur barra. Fl-10 minuta b’azzjoni immedjata mill-Gżira, iżda madanakollu x-xutt ta’ Corbolan ma jkunx ta’ periklu.
Fit-13-il minuta, l-ewwel azzjoni ftit denja fil-partita, freekick għall-Gżira meħud minn Cohen joħloq konfuzjoni fil-kaxxa b’Okoye viċin li jiskurja. L-ewwel azzjoni għal Senglea waslet qrib it-18-il minuta b’azzjoni minn freekick b’daqqa ta’ ras minn Vella tgħaddi ħarira ‘l fuq mil-lasti ta’ Gżira.
Xutt ta’ Briffa żewġ minuti wara ħoloq periklu għall-Gżira, bil-gowlkiper Cetrangolo jilqa’ l-ballun b’save mill-isbaħ biex ħalla l-logħba parzjali. Qrib tmiem l-ewwel taqsima pass ta’ Cohen lejn Samb, b’daqqa ta’ ras tal-attakkant bil-ballun jgħaddi ‘l barra.
Fit-48 minuta, Gżira fetħu l-iskor b’OKOYE, Amadou Samb jqassam mil-lemin, bil-ballun isib perfett lil Okoye fejn b’daqqa ta’ ras u mingħajr sforz ta’ xejn tefa’ lill-Gżira fil-vantaġġ.
Reazzjoni minn Senglea tliet minuti wara, b’Virano jixxutja fil-lasta ta’ Gżira, xutt li ftit li xejn kiun ta’ periklu għal Haber. Senglea ħelsuha ħafif fis-57 minuta bi kross ta’ Okoye lejn Avila Perez fejn b’xutt fil-baxx naqas milli jikkonverti t-tieni gowl għall-Gżira.
Tmien minuti wara, Cohen ta ballun lil Samb bix-xutt tiegħu jgħaddi mħarrek minn fejn il-lasti ta’ Senglea. Fit-68 minuta, Randall Vella waqqa’ lil Samb fil-kaxxa bir-referee jordna penalty, madanakollu l-istess Samb ma rnexxilux jikkonverti mill-11-il metru.
Tliet minuti wara, xutt ta’ Okoye jgħaddi ‘l barra wara li Corbolan tah il-ballun ftit ‘il ġewwa mill-kaxxa. L-Isla viċin li jġibu d-draw kwarta mit-tmiem wara li xutt ta’ Sergio Uyi ħabat mal-wieqfa.
Fit-82 minuta, Cetrangolo laqa’ ballun mill-isbaħ wara xutt b’saħħtu ta’ Corbolan mil-lemin. Fis-87 minuta, minn free-kick ta’ Escobar, Haber ġab save mill-isbaħ iżda ma żammx, b’Gatt Baldacchino jwaqqa’ lil Terraciano fil-kaxxa. Kien TERENCE VELLA li ġab id-draw mill-11-il metru, b’xutt b’saħħtu fix-xellug fil-lasta ta’ Haber.
B’hekk Gżira mill-ġdid tilfu l-punti iżda madankollu baqgħu fil-quċċata tal-klassifika b’punt u b’logħba aktar minn Valletta.
