Fi stqarrija, l-Assoċjazzjoni tal-Iskejjel tal-Knisja ħarġet numru ta’ punti li fihom tat appoġġ lid-direttivi tal-MUT lill-għalliema u l-Learning Support Assistants kollha fis-setturi tal-Istat u tal-Knisja.
L-Assoċjazzjoni tal-Iskejjel tal-Knisja qalet li:
- Tapprezza l-isforz kollettiv li l-MUT qed turi biex ittejjeb il-kundizzjonijietta l-impjieg, partikolarment il-paga tal-edukaturi u b’hekk tgħolli b’mod tanġibbli r-rispett dovut lejn il-professjoni tal-edukaturi;
- Tawgura li jintlaħaq ftehim bla dewmien mal-awtoritajiet kompotenti biex l-interessi tal-studenti jiġu mħarsa wkoll;
- Tikkommetti ruħha li tkompli n-negozjati mal-MUT fi spirtu ta’ djalogu u rispett reċiproku;
- Tappella lill-pubbliku biex isawwar kultura ta’ rispett lejn l-edukaturi kollha minflok jingħadu kummenti infundati u negattivi fil-konfront tal-edukaturi.
