Roma għamlu pass importanti fit-tamiet tagħhom li jgħaddu minn Grupp Ċ wara li fi Stadio Olimpico għelbu lil Chelsea 3-0. L-eroj għat-tim Taljan kien STEPHAN EL SHAARAWY li skorja żewġ gowls fl-ewwel minuta u fis-36 minuta, b’DIEGO PEROTTI jżid gowl ieħor ftit wara s-siegħa logħob.
Paris Saint Germain aċċertaw ruħhom mill-kwalifikazzjoni wara li b’faċilità rebħu 5-0 kontra Anderlecht. MARCO VERRATTI fetaħ l-iskor man-nofs siegħa logħob u NEYMAR irdoppja qabel tmiem l-ewwel taqsima. LAVYIN KURZAWA skorja tripletta f’24 minuta fit-tieni taqsima biex kompla jkabbar l-iskor.
Manchester United huma kważi ċerti minn kwalifikazzjoni wara li f’Old Trafford għelbu lil Benfica 2-0. Anthony Martial falla penalty wara kwarta logħob, iżda marru fil-vantaġġ qabel tmiem l-ewwel taqsima b’awto-gowl sfortunat tal-gowlkiper Mile Svilar. Huma għalqu l-logħba fit-78 minuta b’penalty ieħor din id-darba mogħti minn DALEY BLIND.
Ir-Red Devils mhux kwalifikati minħabba li CSKA Moscow għelbu lil Basel 2-1 biex iż-żewġ timijiet jinsabu b’sitt punti. LUCA ZUFFI fetaħ l-iskor għal Basel iżda gowls minn ALAN DZAGOEV u PONTUS WERNBLOOM dawru r-riżultat.
Bayern Munich resqu qrib li jgħaddu minn Grupp b’rebħa ta’ 2-1 fuq Celtic. KINGLSEY COMAN fetaħ l-iskor fit-22 minuta, iżda CALLUM MCGREGOR ġab id-draw fl-74 minuta. Madankollu JAVI MARTINEZ skorja l-gowl tar-rebħa tliet minuti wara.
Atletico Madrid reġgħu ddiżappuntaw bi draw ta’ 1-1 kontra Qarabag biex qed jissugraw li ma jgħaddux. MICHEL poġġa lil Qarabag minn fuq, b’Thomas iġib id-draw fis-56 minuta.
Kollox baqa’ l-istess fi Grupp D biż-żewġ logħbiet jispiċċaw fi draw. Olympiacos spiċċaw 0-0 kontra Barcelona, filwaqt li Juventus ma rnexxielhomx jirbħu kontra Sporting bi draw ta’ 1-1. BRUNO CESAR fetaħ l-iskor fl-20 minuta, b’GONZALO HIGUAIN iġib id-draw għaxar minuti mit-tmiem.
Riżulati
Grupp A
Basel v CSKA Moscow 1-2
Man United v Benfica 2-0
Grupp B
Celtic v B. Munich 1-2
PSG v Anderlecht 5-0
Grupp Ċ
A. Madrid v Qarabag 1-1
Roma v Chelsea 3-0
Grupp D
Olympiacos v Barcelona 0-0
Sporting v Juventus 1-1
