Il-plejer promettenti Ben Plumpton ġedded il-kuntratt maċ-champions lokali San Ġiljan sal-2023. Plumpton kellu l-aqwa staġun sa issa mat-tim tal-kbar fejn matul din is-sena lagħab aktar regolari u kien ukoll fost l-aqwa skorers Maltin għat-tim tiegħu, fl-istaġun brillanti li kellhom San Ġiljan.
Plumpton bħalissa qed jilgħab fil-kampjonat Taljan A1 ma’ Posillipo fejn saħansitra diġà għamel id-debutt magħhom. Is-sena l-oħra, Plumpton mar jilgħab fis-Serbja u l-progress evidenti meta reġa’ lagħab f’pajjiżna wassal biex il-plejer kompla l-karriera fl-Italja.
Minbarra Plumpton, il-klabb Ġiljaniż kompla jaħdem biex jagħti aktar opportunitajiet liż-żgħażagħ tiegħu, b’Andreas Galea u Mattias Ortoleva jerġgħu jitilgħu s-Serbja ma’ Dunav. Magħhom din is-sena ngħaqad ukoll Darren Zammit.
