Disa’ plejers tal-Kampjonat Premier ġew sospiżi logħba mill-Kummissarju tad-Dixxiplina wara l-logħbiet ta’ tmiem il-ġimgħa.
Il-plejers sospiżi huma Maurizio Vella ta’ Floriana, Amadou Samb ta’ Gżira, Guilherme de Castro u Tiago Souza ta’ Ħamrun Spartans, Davide Mansi ta’ Mosta, Omar Borg ta’ Naxxar, u Matthew Gauci, Enmy Pena Beltre u Kyle Butler ta’ St. Andrews.
Gauci, Pena Beltre u Butler se jitilfu l-logħba li St. Andrews għandhom kontra Sliema, filwaqt li Tiago Souza u Guilherme de Castro se jitilfu l-logħba kontra Naxxar li se jkollhom lil Omar Borg nieqes wara li tkeċċa minn fuq il-bank fl-aħħar logħba. Maurizio Vella se jitlef il-logħba kontra Senglea filwaqt li Samb u Mansi se jitilfu l-logħba bejn Gżira u Mosta.
Sadanittant, il-kowċ ta’ Floriana Giovanni Tedesco ġie sospiż żewġ logħbiet, l-assistent kowċ ta’ Senglea Bruno Russo ġie sospiż għal erba’ logħbiet u l-kit manager ta’ Ħamrun weħel żewġ logħbiet.
