Sampdoria komplew il-bidu pożittiv tagħhom f’dan il-kamponat wara li għelbu lil Genoa 2-0 fid-Derby della Lanterna. GASTON RAMIREZ fetaħ l-iskor fl-24 minuta b’azzjoni personali meta antiċipa lil Perin u skorja fir-rokna. Sampdoria għalqu l-logħba fl-84 minuta meta Duvan Zapata krossja fil-baxx lejn FABIO QUAGLIARELLA li f’lasta vojta skorja t-tieni gowl.
Fil-logħba l-oħra, Crotone għelbu barra minn darhom lil Bologna 3-2. SIMONE VERDE fetaħ l-iskor favur Bologna fit-38 minuta, iżda Crotone ġabu d-draw erba’ minuti wara permezz ta’ ANTE BUDIMIR. Madankollu SIMONE VERDI assigura li Bologna jidħlu jistrieħu 2-1 minn fuq.
Crotone dawru telfa f’rebħa b’żewġ gowls fi tliet minuti. MARCELLO TROTTA ġab id-draw fit-68 minuta minn penalty, biex ANTE BUDIMIR skorja l-gowl tar-rebħa żewġ minuti wara.
