Kull ġimgħa l-programm sportiv ta’ Net Television Replay qed jagħżel l-isbaħ ħames gowls u l-aqwa tliet ‘saves’ ta’ gowlkiper mill-partiti ta’ tmiem il-ġimgħa tal-Kampjonat Premier. Permezz tal-paġna ta’ Replay fuq Facebook, wieħed jista’ jivvota għall-isbaħ gowl u aqwa ‘save’ mill-għaxar ġurnata tal-Kampjonat Premier.
Għall-unur tal-isbaħ gowl mill-partiti ta’ tmiem il-ġimgħa li għaddiet, il-gowls magħżula kienu ta’ Raphael Kooh Sohna (Lija Athletic F.C.), Nikola Gavric (Sliema Wanderers FC), Jefferson Assis (Sliema Wanderers), Moises Avila Perez (Gzira United F.C.) u Arthur Oyama (Floriana FC). Ir-rokna tal-isbaħ gowl tal-ġimgħa, li permezz tagħha qed jintgħażel l-isbaħ gowl tax-xahar waqt il-programm Replay Preview ta’ kull nhar ta’ Ġimgħa, fid-9:35pm hija sponsorjata minn Bavaria 33 Lager.
Għall-unur tal-aqwa ‘save’ tal-ġimgħa, mill-għaxar ġurnata tal-Kampjonat Premier, is-saves tal-gowlkipers magħżula huma ta’ David Cassar (Birkirkara F.C.), Ivan Janjusevic (Balzan F.C.) u Glenn Zammit (Sliema Wanderers FC). Din ir-rokna hija sponsorjata minn Betsson Group permezz tal-programm Replay Preview.
Ipparteċipa billi tagħżel il-gowl u s-save favorit tiegħek ta’ tmiem il-ġimgħa, u kull xahar jintgħażel il-gowl u s-save rebbieħ waqt il-programmi Replay u Replay Preview li jixxandru fuq Net Television.
Intant tħabbru ukoll ir-rebbieħa tal-isbaħ gowl u l-aqwa save t’Ottubru. L-attakkant Arġentin ta’ Floriana, Ignacio Varela rebaħ l-unur tal-isbaħ gowl t’Ottubru waqt li l-gowlkiper ta’ Tarxien Rainbows, Christian Cassar rebaħ l-unur tal-aqwa ‘save’ tax-xahar.
